Ана Стојановска
Психотерапевт/ Организациски коуч
Ана Стојановска е сертифициран психотерапевт, организациски коуч и основач на приватна
пракса Sense of Self, во Скопје, Северна Македонија. Во својата работа, како во индивидуални
тераписки сесии така и во организациски работилници и коучинг, посветено работи на
потешкотиите поврзани со стрес на работното место, справување со авторитети и тешки
клиенти, страв и анксиозност во разрешување на проблеми и донесување одлуки, трауматски
искуства и предизвици. Континуирано развива програми за остварување на лидерските
потенцијали на работното место, за смирување на стресните реакции на нервниот систем, за
поставување цели за личен развој и за целокупно автентично живеење.
Со титулата сертифициран Гешталт психотерапевт се стекна во Европски акредитираниот
Гешталт Институт- Скопје и има повеќе од 13 години искуство на работа со клиенти во
индивидуални сесии и развојни групи. Како дипломиран психолог, лиценцирана е од
Комората на психолози на Република Северна Македонија. Својата едукација континуирано ја
надополнува, и од 2023та година поседува и сертификат за примена на Поливагален пристап
во психотерапија и организациски коучинг. Тековно активно работи и како Гешталт бизнис
консултант за што е сертифицирана од од Европската Асоцијација на Гешталт Терапевти (ЕАГТ).
Својата приватна пракса ја основа во 2022г., по заокружување на 12 години активна работа
како Интерен Тренер/Коуч во интернационална компанија за директна продажба, за неколку
различни земји на Балканот. Како организациски тренер за меки вештини започна да се
развива од 2005г., во улога на Екстерен Тренер/Консултант, преку активно креирање и
одржување работилници, коучинг сесии и презентации за мали и големи аудиториуми за
потребите на различни бизнис организации.
м-р Фросина Ристовска, ко-основач, executive coach, консултант за
организациски развој, психотерапевт, супервизор, тренер
Моето име е Фросина, ко-основач на WhiHub, ICF PCC коуч, консултант за организациски развој, тренер, супервизор, психотерапевт, лидер и мајка. Низ долгогодишното искуство најпрво во приватниот здравствен сектор, а потоа во интернационални компании како дел од тимовите за учење и развој и талент менаџмент, работата со луѓе и ефектите од различните релации ми биле секогаш во фокус. Држејќи ја целокупната интелигенција и нејзините пет различни способности, работам со лидери и менаџери од различни индустрии
низ нивниот процес на градење резилиентни и здрави системи преку негување и развивање на нивната целокупна интелигенција. Мојот интерес за индивидуи, тимови и големи системи е поддржан дополнително од моето верување дека релациите и автентичноста се клучни за секој здрав организам, и дека
релациските трауми влијаат на нашето пројавување како лидери и менаџери. Кога не работам, времето ми поминува во негување на играта и креативноста со мојот син, читање добра книга, гледање документарни филмови и патувања.
Марина Анчевска
Животот е процес, развојот е опција!
МОЈАТА УНИКАТНОСТ:
Примена на уникатна комбинација на системски и внимателно одбрани НЛП техники за да се разберат процесите што се одвиваат во семејствата, тимовите и организацијата како целина. Се со цел да се прифатат и да се изменат процесите за да може да имаат позитивен ефект врз системот во кој што индивидуата припаѓа или е дел од него.
Accredited Fellow Coach (AFC)
Accredited Fellow Mentor (AFM)
with the IAPC&M
Internationally certified
NLP MASTER TRAINER
at NLP University – Santa Cruz,
California, USA
Internationally certified
TIME LINE THERAPY® MASTER
PRACTITIONER
at The Tad James Co.
Наташа Маџевска
Гешталт Психотерапевт
Наташа Маџевска е родена 01.12.1971 год. Многу ведра како дете и лесно комуникативна .
Дипломиран професор по предучилишно образование и работно искуство од 22 години во
градинка со работа со деца од 2 - 6 години. Во текот на работењето во градинка постојано се
едуцира за развојна методолија за работа со деца и работа по стандарди. За време на
студирањето интересот кон психологијата го развива од својата професорка по психологија Весна
Јаневски. Во 2002 се запишува на Гешталт Институт – Скопје кај Емилија Стоименова Цаневска и во
2008 година дипломира . Работи континуирано со индивидуални клиенти и од 2014 со групи
студенти .Таа е Европски сертифициран Гешталт Психотерапевт ESP од EAP .
Како Гешталт Психотерапевт се развива и има постојана едукација од областа на Гешталт
Психотерапија . Зема активно учество на повеќе конгреси од областа на Гешталт Психотерапија.
Има поминато едукација во Child centered Play therapy ( level 1) тренинг и супервизија, едукација
во Sandtray therapy и едукација во Muzikoterapy со деца со посебни потреби , невротски и
развојни проблеми.
Надвор од професионалните активности сака да престојува во природа, се занимава со
одгледување на цвекиња, сака да чита книги ида се дружи со пријатели. Активна е и во спортот ,
вози рекреативно велосипед и вежба јога..
Дејан Пауновски-Паки
Фитнес тренер
Вљубеник во железниот спорт,фанатик кој постојано се надградува и работи на подобрување на себе и своите клиенти.
“Повеќекратен државен шампион ,освојувач на медали и учесник на бројни меѓународни натпревари,балкански,светски,меѓу кои и Арнолд Класик Европа. Веќе 15 години е персонален онлајн тренер/ментор,одговорен за многубројни животни и телесни транформации. Обучува почетни и напредни тренери кои сакаат да ги надградат своите вештини за работа со клиенти,нутриционизам и припреми за нивни фитнес натпревари.
Паки вели дека храната е и лек и отров за телото,затоа мораме максимално да селектираме што и колку ќе внесуваме во нашиот организам. Здравите навики ни нудат здраво и убаво тело,тоа пак ни носи здрава психа и самодоверба која ќе ни влијае на работно и љубовно поле.
Се потекнува од ТРЕНИНГ на умот и телото .
Катерина Љамова Богоевска
ментор, едукатор, дигитален креатор
Катерина Љамова Богоевска e ментор, едукатор, организатор на уникатни исуства, дигитален креатор, основач на невладина организација, мултипотенцијалист.
Во последните 7 години креира дигитална содржина и работи онлајн на различни платформи каде има заедница од 14k луѓе. Организатор е на голем број виртуелни настани меѓу кои како најважна ја издвојува Конферецнијата за свесно родителство која се одржа два пати, и тоа во 2022 и 2023 со +1000 учесници и +25 предавачи. Во последната година е фокусирана на нејзиниот авторски програм за креирање содржина за жени (во онлајн бизнис) кои сакаат да креираат квалитетно онлајн присуство и личен бренд во склад со себе.
Ана Јанкуловска
Психотерпевт/ Executive coach
Ана Јанкуловска е Гешталт Психотерапевт(EAGT), Gestalt Practicioner in Organizations (GPO), Systemic and Constallations coach и Leadership Circle practitioner (LCP)
Долгогодишно искуство како оперативен менаџер за планирање, сега поддржува менаџери на средни и извршни позиции да го јакнат своето присуство и да водат со одлучност и емпатија.
Ана креира и заедници за развој- Земја на лидерите-со цел меѓусебна поддршка на лидерите да истапат на својата мисија и зедница Belonging за поддршка на лидери кои работат и живаат надвор од Македонија.
Проф.Др Кнегиња Рихтер Соколовска Психијатар
Директор Дневна Клиника Курамед ,редовен Професор на Техничкиот универзитет за применети науки во Нирберг Германија
Д-Р Лазар Ѓуров, армиски офицер, универзитетски професор, обучувач, мотивациски говорник и консултант.
Лазар е човек кој e фасциниран од лидерството во сите негови форми на манифестирање.
Воедно негова главна страст е анализирањето и решавањето на проблеми и предизвици.
Тој има активен, динамичен, борбен, оптимистички, решителен, отворен и храбар пристап кон животот.
Има неколку општествени улоги. Тој е армиски офицер, универзитетски професор, обучувач, мотивациски говорник и консултант.
На приватен план се труди да биде посветен татко и верен и вреден сопруг.
Дополнително, тој е јога инструктор, младински работник, активист за чист воздух, борец за попросперитетно, поправедно и поорганизирано општество.
Ја сака, ја бара и се труди да ја зборува вистината. Верува дека, колку и да боли, вистината е најважното нешто што треба да биде кажано и што може да нѐ ослободи.
Неговото животно мото е: Ок… и што можеме да научиме сега од ова? Прифаќањето на ситуациите и себеменувањето низ предизвиците го смета како клучно за среќен и успешен живот.
Тој верува дека само вистинското лидерство ќе го спаси и ќе донесе напредок во човештвото, општеството, организациите и во семејствата.
Негова животна мисија е да ги инспирира и подучува луѓето да го развијат лидерот во себе. Секојдневниот лидер. Луѓето да почнат во секојдневието да се водат себеси и другите кон успеси и похармонично и посреќно живеење.
Д-р Лазар Ѓуров е основач и претседател на СИМБИОТИКА. Преку него го помага развојот на луѓето и организациите во насока да ги искористат своите неограничени потенцијали и да функционираат успешно и среќно.
Created with systeme.io